【尖沙咀美食】連韓國人都話地道嘅韓國餐廳🇰🇷？

次次食韓國嘢都離唔開尖沙咀條韓國街😆 今次我地就去咗呢間好多人都推薦話好食又正宗嘅｢紅雞｣🐔 🥓 五 花 腩 配 泡 菜 $163 — 最期待亦冇令我地失望嘅一道餸 雖然五花腩望落唔多吸引 但佢肥瘦比例均一 肉質腍身 配搭略帶甜味又爽口嘅辣泡菜同蘿蔔 成功減輕腩肉嘅油膩感 🍢 香 腸 年 糕 串 $138 — 由年糕､香腸同魚糕組成嘅串串 上面灑滿芝麻粒同甜辣汁 經炸過嘅年糕 外面帶微脆 入面則煙韌有咬口 口感非常唔錯😋 🍗 半 半 炸 雞 (無 骨) 原 味 / 甜 辣 汁 $168— 炸雞口味唔多同偏傳統 得原味､甜辣同蒜香3款選擇 另外可以加$10轉無骨 我地叫咗半份原味同半份甜辣味 (失策叫咗同年糕串一樣嘅醬汁 應該叫蒜香味☹️) 雞皮香脆 炸粉唔會太多 內裡肉質嫩滑 甜辣醬汁毫不吝嗇 沾滿整件炸雞 惹味得黎會有啲漏 紅雞 📍 UG/F, Pacific Building, 65-67B Kimberley Road Follow us on Instagram🫶🏻 @dm.foodlosophy #韓式料理#韓國美食#韓國#UCreator#九龍美食#Foodie#momentswithucreator#ucreatorhk#ucreator#bestfoodwithucreator#香港美食#hkfoodie